Ինչո՞ւ են հեռացվում կամ արգելափակվում հայտարարությունները
Ցավոք կայքի ոչ բոլոր օգտատերերն են ծանոթանում և հետևում List.am կայքի հայտարարությունների հրապարակման կանոններին և երբեմն տեղադրում են խախտումներով հայտարարություններ: Դա չի սատարում ապրանքի արագ վաճառքին, սակայն դրա պատճառով այլ օգտատերերը դժվարանում են վաճառել իրենց ապրանքները կամ ծառայությունները: Իսկ գնելու ցանկություն ունեցող այցելուները ստիպված են ավելի շատ ժամանակ ծախսել որոնման վրա: Մենք աշխատում ենք օպերատիվ հեռացնել խախտումներով հայտարարությունները և արգելափակել կանոնները խախտող օգտատերերին:
Հեռացման և արգելափակման հիմնական պատճառները`
- Հայտարարությունը խախտում է List.am կայքի հրապարակման կանոնները;
- Հայտարարությունը տեղադրված է անհամապատասխան բաժնում;
- Գովազդային կամ ծառայության հայտարարությունը տեղադրված չէ <Ծառայություն> բաժնում;
- Հայտարարությունը պարունակում է մեկից ավելի վաճառքի առարկա;
- Հայտարարության մեջ պարունակվող տեղեկությունը ճիշտ չէ կամ թերի է;
- Սխալ է նշված գինը կամ հայտարարության այլ ցուցանիշները (օրինակ. մակնիշը, վազքը կամ արտադրության տարեթիվը);
- Անվանումը, նկարագիրը կամ լուսանկարները պարունակում են կոնտակտային տվյալներ՝ հեռախոսահամար, ապրանքանշան կամ վեբ կայքի հղում;
- Անվանման մեջ բացակայում է առաջարկվող ապրանքի/ ծառայության նկարագիրը;
- Հայտարարության անվանման մեջ նշված է ապրանքի/ ծառայության գինը;
- Լուսանկարները չեն համապատասխանում հայտարարությանը. ներբեռնված են ինտերնետից, պարունակում են կոնտակտային կամ գովազդային տեղեկություն;
- Հայտարարության մեջ առկա են բազմաթիվ ուղղագրական և կետադրական սխալներ, բացակայում են բառաբաժանիչ բացերը;
- Աշխատանքի տեղավորման և անշարժ գույքի գործակալությունների հայտարարություններում բացակայում է ֆիզիկական հասցեն և անվանումը;
- Համապատասխան դաշտերում նշված չէ կազմակերպության հստակ անվանումը: Օրինակ՝ <Տուրիստական գործակալություն>-ը չի հանդիսանում կազմակերպության անուն;
- Նկարագրի մեջ հիմնաբառեր կիրառելը՝ որոնման ալգորիթմը խափանելու նպատակով;
- Վաճառքի պարագան չի գտնվում ՀՀ տարածքում;
- Այլ օգտատերերի բազմաթիվ բողոքները:
Իմ վճարված հայտարարությունը հեռացվել է: Ի՞նչ է լինելու գումարի հետ
Կանոնները խախտող հայտարարությունները հեռացվում են անկախ այն փաստից, թե որևէ լրացուցիչ ծառայություն կիրառվել է, թե ո՛չ: Եթե հայտարարությունը արգելափակվել է կանոնների խախտման արդյունքում, գումարը չի վերադարձվում:
