Հայտարարությունների կառավարում

Ձեր բոլոր ակտիվ հայտարարությունները հասանելի են ձեր անձնական էջում:

Կայքում յուրաքանչյուր հայտարարություն վավեր է հրապարակման պահից 60 օր (առկա են բացառություններ, օրինակ «Ծառայություններ» բաժինը, ինչպես նաև «Ավտոմեքենաներ աճուրդից» բաժինը, որտեղ վավերականության ժամկետներն են 120 և 30 օր)։ Տվյալ ժամանակահատվածում հայտարարությունը կարելի է խմբագրել, թարմացնել, հանել հրապարակումից (ապաակտիվացնել) և կրկին ակտիվացնել։

Օրինակ․Որևէ հայտարարություն հրապարակվել է Ձեր կողմից 10 օր առաջ։ Ապա դուք հանել եք այն հրապարակումից (տեղափոխել եք «Ոչ ակտիվ» ենթաբաժին) և 5 օր անց կրկին ակտիվացրել եք։ Այս դեպքում հայտարարության վավերականության մնացորդ ժամկետը 45 օր է։

Եթե ձեր հայտարարության համար ակտիվացված է «Թոփ» և/կամ «Գլխավոր էջ» ծառայությունները, ապա հայտարարության վավերականության ժամկետը կերկարաձգվի ճիշտ այնքան օրերի քանակով, որքան անհրաժեշտ է հավելյալ ծառայությունների ժամկետի սպառման համար՝ ծառայություններից լիարժեք օգտվելու համար։

Օրինակ․ Հայտարարության վավերականության ժամկետը սպառվում է 2 օրից, և Դուք ակտիվացրել եք 7-օրյա ժամկետով «Թոփ» ծառայությունը։ Քանի որ «Թոփ» ծառայությունը 7 օր տևողությամբ է, ձեր հայտարարության վավերականության ժամկետը կերկարաձգվի ևս 5 օրով։

Ձեր հայտարարության մեջ փոփոխություններ կատարելու համար օգտվեք «Խմբագրել» գործառույթից: Կատարեք անհրաժեշտ շտկումները, ստուգեք փոփոխությունների ճշգրտությունը և սեղմեք «Հիշել» կոճակը, որից հետո հայտարարության բովանդակությունը կթարմացվի կայքում։

Հայտարարությունն ապաակտիվացնելու համար օգտվեք «Ապաակտիվացնել» գործառույթից: Հաստատելուց հետո այն կտեղափոխվի «Ոչ ակտիվ» բաժին և այլևս չի ցուցադրվի կայքում։ Դուք կարող եք այն ամբողջությամբ հեռացնել «Ոչ ակտիվ» բաժնից, կրկին ակտիվացնել կամ վերահրապարակել, եթե հայտարարությունը դեռ ակտուալ է։

Հայտարարությունը կրկին ակտիվացնելու համար անհրաժեշտ է «Ոչ ակտիվ» հայտարարություններ ներդիրում սեղմել «Ակտիվացնել» կոճակը: Հաստատումից հետո հայտարարությունը կրկին կդառնա տեսանելի կայքում և կարտաբերվի որոնման արդյունքում:

Ոչ ակտիվ հայտարարությունները 180 օրից հետո ինքնաբերաբար կհեռացվեն կայքից, եթե մինչ այդ դուք կրկին նրանց չվերահրապարակեք «Ոչ ակտիվ» բաժնից:

Հայտարարությունը հեռացնելու համար այն նախ պետք է ապաակտիվացվի: Այնուհետև «Ոչ ակտիվ» բաժնում օգտվեք «Հեռացնել» գործառույթից՝ այն կայքից ընդմիշտ հեռացնելու համար։ Խնդրում ենք չհեռացնել հայտարարությունը՝ այն ցուցակի վերև տեղափոխելու նպատակով. դրա համար նախատեսված է թարմացման գործառույթը։

Օգտվեք «Թարմացնել» գործառույթից՝ Ձեր հայտարարությունը ցուցակի վերին հատված վերադարձնելու համար:

Հայտարարությունները կարող են թարմացվել յուրաքանչյուր 24 ժամը մեկ։ Անվճար հիմունքներով հրապարակված հայտարարությունների համար անվճար թարմացումը հասանելի է յուրաքանչյուր 3 օրը մեկ։ Սակայն դուք կարող եք ընտրել ավելի հաճախակի թարմացում վճարովի հիմունքներով՝ ըստ ձեր կարիքների և նպատակահարմարության։

Վճարովի հայտարարությունները թարմացվում են հավելավճարով, որի չափը կախված է այն բաժնից, որտեղ տեղադրված է հայտարարությունը։

Ավտո-թարմացումը հնարավորություն է ընձեռում ավտոմատ կերպով թարմացնել հայտարարությունները՝ խնայելով ձեր ժամանակը և կանոնակարգելով կայքում ձեր աշխատանքը: Այս գործառույթն ապահովում է մշտական տեսանելիություն և առաջատար դիրք: Այն հասանելի է Բիզնես և Պրոֆեսիոնալ հաշիվների համար:

Ձեր հայտարարությունն ավտոմատ կերպով թարմացնելու համար

Այսպիսով, ձեր հայտարարությունը կթարմացվի ավտոմատ՝ ձեր նախընտրած ժամանակացույցով։

Վերահրապարակման գործառույթը թույլ է տալիս կրկին տեղադրել ձեր հայտարարությունը կայքում՝ մեկ քլիկով։ Այս գործառույթը հասանելի է դառնում հայտարարության ժամկետի ավարտից 7 օր առաջ ՝ թույլ տալով հայտարարությունն երկարացնել ևս 60 օրով: Վերահրապարակելու համար պարզապես անցեք «Իմ հայտարարությունները» բաժին, ընտրեք համապատասխան հայտարարությունը և սեղմեք «Վերահրապարակել» կոճակը:

Հայտարարության ժամկետի երկարաձգման սահմանափակում առկա չէ: Դուք կարող եք վերահրապարակել ձեր հայտարարությունն այնքան անգամ, որքան այն դեռևս ակտուալ է։

Ձեր կողմից առաջարկվող ապրանքատեսակի վաճառքը արագացնելու, ավելի շատ օգտատերեր գրավելու և հայտարարությունն ավելի տեսանելի դարձնելու համար օգտվեք լրացուցիչ ծառայություններից, ինչպիսիք են «Թոփ»-ը կամ «Գլխավոր էջ»-ը կամ ակտիվացրեք հատուկ Պիտակ հայտարարությունն ավելի նկատելի դարձնելու համար:

Դուք կարող եք տեսնել Ձեր հայտարարության վերջին ամսվա այցելությունների վիճակագրությունը՝ սեղմելով List.am կայքում Ձեր հայտարարության մոտ գտնվող դիտումների քանակը կամ բջջային հավելվածի դիտումների պատկերակը: