Հայտարարությունների հրապարակման կանոններ
List.am-ում հայտարարությունների հրապարակման կանոնները ստեղծված են հայտարարությունների բարձր որակը և գնորդների/վաճառողների անխափան աշխատանքը երաշխավորելու նպատակով: List.am կայքի կողմից ընձեռված հնարավորությունների և ծառայությունների օգտագործումը ենթադրում է <<Հայտարարությունների հրապարակման>> կանոնների ընդունումը և վերջիններիս հետևելու պատրաստակամությունը:
Խախտումների արձանագրման դեպքում հայտարարությունները հեռացվում են, իսկ համապատասխան օգտահաշիվները` բլոկավորվում:
1.
Չի թույլատրվում միևնույն իմաստը կրող հայտարարությունների բազմակի հրապարակումը մեկ կամ մի քանի տարբեր բաժիններում:
2.
Յուրաքանչյուր հայտարարություն պետք է տեղադրվի իրեն համապատասխանող բաժնում:
2.1.
Հայտարարությունները պետք է տեղադրվեն այն բաժնում, որը համապատասխանում է հայտարարության բովանդակությանը:
2.2.
Ծառայություններ առաջարկող հայտարարությունները պետք է տեղադրվեն միայն "Ծառայություններ" բաժնում:
2.3.
Աշխատանքի տեղավորման մասին հայտարարությունները պետք է տեղադրվեն միայն "Աշխատանք" բաժնում:
3.
Հայտարարություն տեղադրելուց առաջ` հիշեք, որ
3.1.
Հայտարարությունը պետք է տրամադրի հնարավորինս մանրամասն տեղեկություն այն ապրանքի/ծառայության մասին, որն առաջարկում կամ փնտրում եք:
3.2.
Հայտարարության բոլոր չափանիշները (ինչպես, օրինակ` գինը, տարածքը, մոդելը, աշխատավարձը և այլն) պետք է համապատասխանեն իրականությանը: Հայտարարության վերնագիրը պետք է նույնպես համապատասխանի ներկայացված բովանդակությանը:
3.3.
Անվանումը չպետք է պարունակի Ձեր կոնտակտային տվյալները` հեռախոսահամարը, հասցեն, էլ. փոստի հասցեն, ինչպես նաև գինը:
3.4.
Հայտարարության բնութագիրը նույնպես չպետք է պարունակի որևէ կոնտակտային տվյալ, քանի որ վերջինիս համար գոյություն ունեն հատուկ դաշտեր:
3.5.
Ապրանքը/ծառայությունը ցուցադրող լուսանկարը պետք է համապատասխանի հայտարարության անվանմանն ու բնութագրությանը: Լուսանկարի վրա պետք է պատկերված լինի առաջարկվող ապրանքը: Այն չպետք է պարունակի լոգո, ապրանքանիշ, URL, կազմակերպության անվանում, գին, տեքստ, լրացուցիչ ձևավորում և այլ նմանատիպ գովազդային և կոնտակտային տեղեկություն: Նկարներում արգելվում է ուշադրությունը գրավող գրառումների օգտագործումը, օրինակ՝ "Շտապ", "Ուշադրություն", "Ակցիա", "Զեղչ" և այլն:
3.6.
Յուրանքանչյուր հայտարարություն պետք է ներկայացնի միայն մեկ վաճառքի պարագա, ծառայություն կամ մեկ աշխատանքի հաստիք: Եթե Դուք ներկայացնում եք մեկից ավելի ապրանք, ծառայություն կամ աշխատանքային հաստիք, ապա խնդրում ենք տեղադրել դրանք առանձին հայտարարություններում:
3.7.
Կայքում յուրաքանչյուր օգտատեր կարող է ունենալ միայն մեկ գրանցում (օգտահաշիվ): Արգելվում է տեղադրել հայտարարությունների կրկնօրինակները տարբեր էլ.փոստի հասցեներով կամ հեռախոսահամարներով մեկ օգտատիրոջ կամ կազմակերպության կողմից:
3.8.
Հայտարարությունը պետք է գրված լինի այն լեզվի այբուբենով, որով գրված է: Հայերեն բառերը պետք է գրվեն հայերեն տառերով, ռուսերենը ՝ ռուսերեն տառերով և այլն: Տրանսլիտի օգտագործումն անընդունելի է:
4.
Խստորեն արգելվում է յուրաքանչյուր գործողություն, հղված կայքի շահարկման կամ նորմալ աշխատանքի խափանման համար: Այդ թվում նաև`
4.1.
Հայտարարության անվանման ու տեքստի մեջ հիմնաբառերի ավելացումը` կայքի որոնման ալգորիթմի խափանման նպատակով:
4.2.
Հայտարարությունների տեքստում հեռախոսահամարների նշումը տառերով և այլ նշաններով:
4.3.
Հայտարարությունների հեռացնելն ու կրկին այդ նույնի տեղադրումը` թարմացնելու նպատակով: Դրա համար գոյություն ունի թարմացման ֆունկցիա:
4.4.
Տարատեսակ էլ. փոստի հասցեների և հեռախոսների կիրառումը անձի թաքցնելու, կայքն ու հաճախորդներին խաբելու նպատակով:
4.5.
Գոյություն չունեցող ապրանքատեսակների, մեքենաների, անշարժ գույքի կամ աշխատանքի առաջարկների հայտարարությունների տեղադրումը:
4.6.
Չի թույլատրվում հայտարարությունում նկարագրված ապրանքը, ծառայությունը կամ աշխատանքը փոխարինել այլ ապրանքով, ծառայությամբ կամ աշխատանքով: Ոչ ակտուալ հայտարարությունները պետք է հեռացվեն հրապարակումից:
5.
Կանոններ` անշարժ գույքի գործակալությունների, դիլերների, աշխատանքի տեղավորման գործակալությունների և գործատուների համար:
5.1.
Օգտատերերին, որոնք հանդիսանում են միջնորդ, ներկայացնում են կազմակերպություն կամ բիզնես, հայտարարություն տալու ժամանակ արգելվում է ընտրել "Սեփականատեր" տարբերակը։ Կազմակերպության վերաբերյալ հստակ տեղեկատվությունը (անվանումը և ֆիզիկական հասցեն) պարտադիր պայման է հանդիսանում այն օգտատերերի համար, որոնք ներկայացնում են գործատուներին աշխատանքի տեղավորման և անշարժ գույքի գործակալությունները, ինչպես նաև խանութները և կազմակերպությունները, որոնք կազմակերպում են ապրանքների ապառիկ վաճառք:
5.2.
Անշարժ գույքի և Աշխատանքի տեղավորման գործակալություններին անհրաժեշտ է օգտվել միայն մեկ անձնական էջով բոլոր աշխատողների համար: Արգելվում է տեղադրել միևնույն հայտարարություններ օգտագործելով Անշարժ գույքի գործակալության և գործակալի անձնական էջերը: Եթե ձեր գործակալությունը արդեն ունի անձնական էջ List.am կայքում, ապա այն հասանելի դարձրեք ձեր գործընկերների համար:
5.3.
Գործակալությունները չեն կարող տեղադրել անշարժ գույքի վաճառքի կամ վարձակալության հայտարարություններ, առանց սեփականատիրոջ համաձայնության: List.am-ը իրավունք է վերապահում պահանջել սահմանադիր փաստաթղթեր և չթույլատրել հայտարարությունների տեղադրումը:
5.4.
Անշարժ գույքի գործակալությունները պարտավոր են հեռացնել հայտարարությունը կայքից, եթե գույքը վարձակալված, գնված կամ վաճառված է:
5.5.
Աշխատանքի տեղավորման հայտարարությունները պետք է պարունակեն մանրամասն տեղեկություններ աշխատանքի մասին և բաղկացած լինեն առնվազն երեք ստորաբաժիններից` պահանջներ, պարտականություններ, աշխատանքային պայմաններ:
6.
Կայքում արգելվում են հայտարարություններ, որոնք պարունակում են`
6.1.
Ծառայությունների և ապրանքների առաջարկ, որոնք գնահատվում են գործող կանոնադրությամբ որպես անօրինական:
6.2.
Անհարգալից բառապաշար, ինչպես նաև վիրավորական արտահայություններ` այդ թվում ռասիստական կամ կրոնական ուղղվածությամբ:
6.3.
Առցանց հաշիվների, գաղտնաբառերի և երրորդ անձանց վերաբերյալ տեղեկատվության, ինչպես նաև հարակից ծառայությունների վաճառքի առաջարկներ:
6.4.
Էրոտիկ ծառայություններ և ապրանքատեսակներ, մարմնավաճառություն, պոռնոգրաֆիա, այդ թվում `պոռնոգրաֆիկ բովանդակությամբ լուսանկարներ:
6.5.
Խաբեություն, շորթում, նյութական օգնության խնդրանք և առաջարկ, աջակցություն որևէ տեսքով, այդ թվում հայտարարություններ, որոնք պարունակում են հետևյալ բառերը` <կդառնամ հովանավոր>, <փնտրում եմ հովանավոր>, <կցուցաբերեմ նյութական աջակցություն>, <փնտրում եմ նյութական աջակցություն> և այլն:
6.6.
Գիշերային ակումբերում, վեբ-մոդելների, մերկապար պարողների և այլ նմանատիպ աշխատանքի առաջարկներ:
6.7.
Դեղորայքի, թմրանյութերի, ծխախոտային արտադրանքի, վեյփերի, վերջիններիս համար նախատեսված հեղուկների և ծխախոտային խառնուրդների վաճառքի, գնելու կամ փոխանակման առաջարկներ:
6.8.
Արտասահմանում աշխատանքի առաջարկ (այդ թվում և Ռուսաստանում), ինչպես նաև ինտերնետում գումարի վաստակման առաջարկ:
6.9.
Առաջարկներ օկուլտային թեմայով` բախտագուշակություն, սատանիզմ, ծիսականներ, մոգություն, էքստրասենսներ և այն:
6.10.
Ազգային, ռասայական, կրոնական, սեռական խտրականություն:
6.11.
Ցանցային մարքեթինգի ապրանքների վաճառքի առաջարկներ, ինչպես նաև նրանց կողմից առաջարկվող ծառայություններ և աշխատանքի թափուր տեղեր:
6.12.
Կասկածելի ֆինանսական ծառայությունների առաջարկներ, ֆինանսական միջոցների ձեռք բերելու աջակցություն, օրինակ, "Վարկ մեկ ժամում առանց գրավի եւ երաշխավորման:" Ծառայություններ եւ գործարքներ կապված գումարային հաշիվների և միջոցների հետ, առաջարկություններ գումարային միջոցների ներդրման մասին:
7.
Արգելված են հետևյալ տիպի աշխատանքային առաջարկություններով հայտարարությունները
7.1.
Ֆրանշիզա, բուրգեր, բազմամակարդակ մարքեթինգ, <ակումբի անդամակցություն>, դիսթրիբյուտորական կազմակերպությունում առևտրական ներկայացուցչության պայմանագիր:
7.2.
Գործակալություններ կամ այլ գործառնություններ, որոնք պահանջում են նախնական կամ մշտական վճարում, այլ անդամերի, սուբդիստրիբյուտորների և գործակալների ներգրավում:
7.3.
Աշխատանք միայն միջնորդավճարով, հայտարարություններ <տանից աշխատանքի> մասին:
8.
List.am կայքում արգելվում է այն հայտարարությունների հրապարակումն, որոնց միակ նպատակն է այլ ինտերնետ-ռեսուրսների խթանումը: Հայտարարությունների մեջ չի՛ թույլատրվում տեղադրել հղումներ դեպի կողմնակի կայքեր:
9.
List.am կայքում նաև արգելվում է սուտ հայտարարությունների հրապարակումը կամ երրորդ անձանց հետ կապված կեղծ տվյալների տրամադրումը:
Համաձայն օգտագործման պայմաննների` List.am կայքն իրեն իրավունք է վերապահում հեռացնել ցանկացած հայտարարություն առանց բացատրության եթե այն չի համապատասխանում հայտարարությունների հրապարակման կանոններին:
List.am-ի ադմինիստրացիան և մոդերատորները իրավասու են հայտարարության տեքստում փոփոխություն կատարելու, այլ բաժիններ տեղափոխելու, սահմանափակել մեկ օգտատիրոջ կողմից տեղադրվող հայտարարությունների քանակը, նաև ամբողջովին արգելել հայտարարություններ տեղադրելը:
Միտումնավոր կանոնները խախտող օգտատերերի մուտքը երկարաժամկետ արգելափակվում է:
