Ինչպե՞ս տեղադրել հայտարարություն
List-ում հայտարարություն տեղադրելը հեշտ է և արագ: Հայտարարություն տեղադրելու համար ձեզ անհրաժեշտ է լինել գրանցված օգտատեր և հաստատել ձեր հայկական բջջային հեռախոսահամարը: Կայքի այցելուների անվտանգությունից ելնելով՝ հայտարարություն տեղադրելու համար օգտահաշվում հայկական հեռախոսահամարի առկայությունը պարտադիր պայման է հանդիսանում:
Մինչ հայտարարություն ավելացնելը, ուշադիր ծանոթացեք “Հայտարարությունների հրապարակման կանոններ" բաժնին, որպեսզի Ձեր հայտարարությունն անցնի մոդերացիան և բարեհաջող տեղադրվի կայքում:
Հիշե՛ք, որ հայտարարության մեջ ներառված տեղեկության որակից և լիարժեքությունից է կախված արձագանքների քանակը: Աշխատե՛ք տրամադրել հնարավորինս մանրամասն տեղեկություն վաճառքի ապրանքի կամ մատուցվող ծառայության վերաբերյալ: Անվանումը նշե՛ք հստակ, գրագետ և գրավիչ: Համոզվեք, որ այն պարունակում է անմիջապես առաջարկվող ապրանքի կամ ծառայության անվանումը:
- Սեղմե՛ք «Տեղադրել հայտարարություն» կոճակը կայքի վերին աջ անկյունում կամ "+" կոճակը՝ բջջային հավելվածով մուտք գործելու դեպքում։
- Ընտրե՛ք համապատասխան բաժինը`կիրառելով բաժինների ընտրության համար նախատեսված հարմարավետ գործիքը: Պարզապես մուտքագրեք այն, ինչ ցանկանում եք տեղադրել, օրինակ օծանելիք, 2 սենյականոց բնակարան և այլն, և համակարգը Ձեզ կառաջարկի հնարավոր բոլոր տարբերակները: Ընտրե՛ք այն բաժինը, որը ամենամոտն է համապատասխանում Ձեր առաջարկին:
- Լրացրե՛ք բոլոր անհրաժեշտ դաշտերը՝ շրջանը, քաղաքը, գինը, անվանումը, բնութագիրը և այլն: Ձեր հայտարարության արդյունավետությունը բարձրացնելու նպատակով տրամադրեք որքան հնարավոր է մանրամասն տեղեկություն ապրանքի կամ ծառայության մասին:
- Ներբեռնե՛ք լուսանկարներ: Բարձրորակ լուսանկարներ պարունակող հայտարարությունները ստանում են ավելի մեծ քանակությամբ արձագանքներ:
- Մուտքագրե՛ք Ձեր կոնտակտային տվյալները: Ընտրեք հաստատված հեռախոսահամարների ցանկից այն հեռախոսահամարները, որոնք դուք ցանկանում եք տեսանելի դարձնել տվյալ հայտարարությունում: Եթե նույնիսկ ոչ մի հեռախոսահամար չընտրեք, օգտատերերը կկարողանան կապվել Ձեզ հետ հաղորդագրությունների միջոցով՝ Գրել կոճակին սեղմելով։
- Բոլոր դաշտերը լրացնելուց հետո կարող եք անցնել հայտարարության դիտման էջ:
- Վերստուգե՛ք ձեր հայտարարությունը: Օգտագործեք «Խմբագրել» կոճակը անհրաժեշտ ուղղումներ կատարելու համար: Հրապարակումը ավարտելու համար սեղմեք «Տեղադրել» կոճակը:
- Եթե ձեզանից ավելի շատ ժամանակ է պահանջվում հայտարարությունը կազմելու համար, ապա նախ կարող եք պահապանել այն որպես սևագիր: Սեղմե՛ք «Պահպանել որպես սևագիր» կոճակին, և այն կտեղափոխվի «Սևագրեր» ներդիր, որտեղ դուք կարող եք հետագայում փոփոխություններ կատարել և ապա միայն հրապարակել կայքում:
