Հաշվի տեսակները

List.am-ում գոյություն ունեն երեք տեսակի հաշիվներ ՝ Անհատական, Պրոֆեսիոնալ և Բիզնես: Ըստ նախնականի յուրաքանչյուր օգտատեր ունի Անհատական հաշիվ: Ձեր անձնական էջի կարգավորումներում կարող եք ընտրել այն հաշիվն, որն առավելագույնս կծառայի ձեր նպատակներին:

Եթե վաճառում եք ձեր անձնական իրերը կամ առաջարկում եք ծառայություններ որպես անհատ, ապա տվյալ պարագայում այս հաշիվն ամենապարզ և հարմար տարբերակն է հանդիսանում: Այն անվճար է և իր մեջ պարունակում է հայտարարությունները կառավարելու համար բոլոր անհրաժեշտ գործառույթները:

Այս տեսակի հաշիվը ունի լրացուցիչ առավելություններ, որոնց միջոցով դուք կկարողանաք ավելի շատ հաճախորդներ ներգրավել և ավելացնել վաճառքի/մատուցվող ծառայությունների ծավալը:

Դուք կկարողանաք օգտագործել այնպիսի գործառույթներ, ինչպիսիք են` միայն ձեր հայտարարությունների ցուցադրումը, հնարավորություն ունենալ ցուցադրել կարճ նկարագրություն ձեր բոլոր հայտարարությունների էջերում, նշել աշխատանքային օրերն ու ժամերը և թույլատրել զանգեր միայն աշխատանքային ժամերին, ինչպես նաև դիտել առաջադեմ վիճակագրություն:

Այս հաշվի տեսակը առավելագույնս հարմար է պրոֆեսիոնալ օգտատերերի համար, ովքեր ցանկանում են բարձրացնել իրենց աշխատանքի արդյունավետությունը List.am-ում:

Այն պարունակում է պրոֆեսիոնալ բաժնի  բոլոր գործառույթները, ինչպես նաև հնարավորություն է  տալիս լրացուցիչ ստեղծել ձեր սեփական էջը՝ ձեր բիզնեսի ոճին և տեսականուն  հատուկ յուրօրինակ ձևավորմամբ:

Բիզնես էջը ձեր ընկերության գլխավոր էջն է List.am-ում` իր անվանման հղումով (օրինակ․ www.list.am/u/mycompany): Այն իր մեջ կպարունակի ձեր բիզնեսի վերաբերյալ բոլոր կարևորագույն տեղեկությունները, այն է՝ ընկերության անվանումը, պատկերանշանը, բիզնեսի գծով մանրամասն տեղեկատվությունները, ինչպես նաև ձեր բիզնեսի հասցեն իր նորությունների բաժնով և վերջապես հայտարարությունների որոնման և ֆիլտրման հնարավորությունով։

Ընկերության պատկերանշանը կցուցադրվի ձեր բոլոր հայտարարությունների էջերում ավելի մեծ չափերով, քան անհատական օգտատերերի ավատարը: Ընկերության նկարագրության և ձեր մյուս հայտարարությունների առաջարկությունների հատվածի հետ համատեղ, ձեր հայտարարությունները և ապրանքանիշը կունենան ավելի բարձր արդյունավետություն:

Պրոֆեսիոնալ ​​և բիզնես հաշիվները կարող են օգտվել փաթեթներից` հայտարարությունների տեղադրման և թարմացման համար զգալի զեղչեր ստանալու համար:

Վճարովի հաշիվները չեն երաշխավորում հատուկ վերաբերմունք, բոլոր հայտարարությունները, ինչպես նաև բոլոր հաշիվները խստորեն ստուգվում են մոդերատորների կողմից:

Հայտարարությունները և օգտահաշիվները, որոնք խախտում են Հայտարարությունների հրապարակման կանոնները կամ Օգտագործման համաձայնագիրը կհեռացվեն կայքից և մուտքը կայք կարգելափակվի:

Կայքի կանոնները խախտող հայտարարությունների համար կիրառված վճարովի ծառայությունների գումարը վերադարձման ենթակա չէ: