Հայտարարությունների փաթեթներ
Հայտարարությունների փաթեթները հնարավորություն են տալիս տեղադրել, վերահրապարակել և թարմացնել մեծաքանակ հայտարարություններ՝ զգալի զեղչերով:
Եթե ունեք մեծ թվով հայտարարություններ, ապա փաթեթ ձեռք բերելն, անշուշտ, շահավետ է, քանի որ փաթեթ ձեռք բերելու դեպքում յուրաքանչյուր հայտարարության տեղադրման, վերահրապարակման և թարմացման արժեքը նվազում է:
Փաթեթները հասանելի են Պրոֆեսիոնալ և Բիզնես հաշիվների օգտատերերին:
Յուրաքանչյուր փաթեթ ուժի մեջ է 30 օր կամ մինչ վերջինիս մեջ ներառված հայտարարությունների քանակի սպառումը։
Փաթեթի շրջանակներում գնված, սակայն չօգտագործված տեղադրումների, վերահրապարակումների և թարմացումների մնացորդը չի տեղափոխվում մեկ այլ փաթեթ, և ժամկետը որևէ տարբերակով չի երկարաձգվում։
Ինչպես ձեռք բերել փաթեթ
Փաթեթներ գնելու միջոցով դուք կարող եք տեղադրել, վերահրապարակել և թարմացնել շատ հայտարարություններ՝ զեղչված տարբերակներով, և հետևաբար, որ ամենակարևորն է, այսպիսով կարող եք խնայել գումար և ավելի արդյունավետ ներգրավել հաճախորդներին:
Ձեր անձնական էջում անցեք «Բիզնես» թղթապանակ, ընտրեք «Փաթեթներ» ենթաբաժինը: Սեղմեք «Գնել փաթեթ» կոճակը: Ընտրեք հայտարարությունների անհրաժեշտ բաժինը և քանակը: Ձեզ կցուցադրվի յուրաքանչյուր հայտարարության տեղադրման/վերահրապարակման/թարմացման արժեքը, զեղչը յուրաքանչյուրի գործառույթի համար և իհարկե, փաթեթի ամբողջական արժեքը: Վճարումից հետո փաթեթը կհայտնվի ձեր գնած փաթեթների ցանկում:
Ինչպես վճարել փաթեթից
Եթե տեղադրման, վերահրապարակման կամ թարմացման պահին ունեք հստակ բաժնի համար ձեռք բերված ակտիվ փաթեթ, ապա փաթեթը ընտրված կլինի որպես վճարման միջոց: Եթե տվյալ պահին չունեք ակտիվ փաթեթ, օրինակ փաթեթի ժամկետը կամ քանակը սպառվել են, ապա ձեզ կառաջարկվի ձեռք բերել նոր փաթեթ կամ վճարել դրամապանակից:
Ես փաթեթ եմ գնել, բայց այն չի գործում
Յուրաքանչյուր փաթեթ գործում է միայն նախապես ընտրված բաժնում: Խնդրում ենք համոզվել, որ դուք տեղադրում /վերահրապարակում կամ թարմացնում եք հայտարարությունն այն բաժնում, որում գործում է ձեր փաթեթը: Ինչպես նաև համոզվեք, որ փաթեթի ժամկետը չի սպառվել:
