Ինչպե՞ս չեղարկել ամրագրումը և վճարել կացության համար
Եթե հարցումը դեռ «Սպասման մեջ» է, բացեք այն «Իմ ամրագրումները» բաժնում և ընտրեք «Չեղարկել հարցումը»։ Վարձատուն ծանուցում կստանա և այլևս չի կարողանա հաստատել այդ հարցումը։
Հաստատված ամրագրումը հյուրը չի կարող ինքնուրույն չեղարկել։ Հնարավորինս շուտ գրեք վարձատուին, բացատրեք պատճառը և խնդրեք նրան չեղարկել ամրագրումը, քանի որ նա այդ ամսաթվերը պահել է ձեզ համար։
List.am-ը վճարումներ չի ընդունում, հետևաբար List.am-ում վերադարձման ենթակա գումար չկա։ Եթե վարձատուին արդեն վճարել եք, վերադարձի պայմանները համաձայնեցրեք անմիջապես նրա հետ։
Ուղարկված հարցման ամսաթվերը և հյուրերի քանակը խմբագրել հնարավոր չէ։ Փոփոխության համար չեղարկեք հարցումը և ուղարկեք նորը՝ ճիշտ տվյալներով։
Ամրագրման վճարումը կատարվում է անմիջապես ձեր և վարձատուի միջև։ List.am-ը չի գանձում վճար, չի պահում կանխավճար և գործարքի միջնորդ չէ։ Գումարը, վճարման եղանակը և ժամկետը նախապես համաձայնեցրեք վարձատուի հետ։ Ամրագրման էջում ցուցադրվող արժեքը տեղեկատվական է։
Ավելի անվտանգ պայմանավորվելու համար՝
- շփումը պահեք List.am-ի նամակագրությունում, որպեսզի պայմանավորվածությունները գրանցված մնան,
- ճշտեք վերջնական գումարը, հասցեն, մուտքի և ելքի ժամերը,
- զգուշացեք անծանոթ հաշվին մեծ կանխավճար ուղարկելու պահանջներից,
- կասկածելի պահանջի դեպքում մի վճարեք և բողոքարկեք հայտարարությունը։
«Հաստատված» ամրագրումը չի նշանակում, որ List.am-ի միջոցով վճարում է կատարվել։
