Արտասահմանյան խաբեբաներ
Ցավոք սրտի ինտերնետում գործում են բազմաթիվ խաբեբաներ, որոնք ապօրինի ճանապարհով փորձում են շորթել օգտատերերի գումարները: Նրանք List.am-ում տեղադրում են հայտարարություններ, որոնցում առաջարկում են արտասահմանից վաճառքի բերվող էքզոտիկ կենդանիներ, էլիտար ցեղատեսակի շներ և կատուներ, նոութբուքեր, նկարահանող սարքավորում, հեռախոսներ և ավտոմեքենաներ`շատ ցածր գներով: Գործարքի պայմանն է` կանխավճարի փոխանցումը: Արդյունքում գնորդը չի ստանում ապրանքը և նաև այլևս չի կարող չեղյալ համարել գումարի փոխանցումը:
Խաբեությունից խուսափելու նպատակով մի՛ գնեք և մի՛ վաճառեք ՀՀ սահմաններից դուրս
Մենք հոգում ենք Ձեր անվտանգության մասին, և այդ պատճառով կիսվում ենք օգտակար խորհուրդներով, որոնք կօգնեն Ձեզ չդառնալ խաբեբաների զոհը:
Զգուշություն ցուցաբերե՛ք, եթե`
- Ապրանքի արժեքը կասկածելիորեն ցածր է, իսկ ապրանքը գտնվում է արտասահմանում;
- Չկա նշված կոնտակտային հեռախոսահամար;
- Լուսանկարները չեն համապատասխանում բնութագրին: Օրինակ`բնութագրի մեջ նշված է որևէ մոդել, իսկ նկարի վրա տեսնում եք նման, բայց այլ մեկը;
- Հայտարարության տեքստը, ինչպես նաև Ձեզ հղված նամակները թարգմանված են առցանց ավտոթարգմանիչների միջոցով:
- Վաճառողը տեղադրում է բազմաթիվ նույնատիպ հայտարարություններ;
- Նամակագրության ընթացքում պարզվում է, որ անհրաժեշտ է գումարի մի մասը փոխանցել նախորոք բանկային հաշվին, և նոր դրանից հետո ապրանքը կուղարկվի փոստով;
- Բացի այս ամենից, ավելի հաճախակի են դարձել այնպիսի խաբեության դեպքեր, երբ ոչ թե Դուք, այլ Ձեզանից են ցանկանում ապրանք գնել և ուղարկել այն որևէ աֆրիկյան պետություն:
Մի՛ համաձայնեք կանխավճար վճարելուն: Երբեք մի՛ կատարեք փոխանցում Western Union կամ այլ անանուն դրամական փոխանցումների ծառայություններով:
