Ինչպես անվտանգ գնել

Գնում կատարելը Ձեր իսկ քաղաքում` գործարքի ամենավստհելի և անվտանգ տարբերակն է, որտեղ Դուք անձամբ կարող եք հանդիպել վաճառողին, տեսնել և վճարել ապրանքի համար:

Եթե Դուք գտել եք Ձեզ անհրաժեշտ ապրանքը կամ ծառայությունը List.am կայքում, խնդրում ենք ծանոթանալ մի քանի օգտակար խորհուրդներին, որոնք կոգնեն Ձեզ խուսափել ստից և հիասթափությունից:

Միշտ հիշե՛ք, որ վստահելի վաճառողը իր ապրանքը միշտ նկարագրում է մանրամասն ու բոլորին հասանելի կերպով:

Ի նկատի ունեցե՛ք հետևյալը՝

Եթե ապրանքը, որը Ձեզ հետաքրքրեց, գնահատված է շատ էժան, արհեստականորեն իջեցված առինքնող գին ունի, ապա դա կարող է նշանակել, որ դա արված է միայն Ձեր ուշադրությունը գրավելու համար՝ հետագա խաբեության նպատակով:

Հնարավորինս աշխատե՛ք ընտրել վճարման պարզագույն եղանակը ՝ կանխիկ գումարը:

Եթե ապրանքը շատ թանկարժեք է, օրինակ` ավտոմեքենա, կարող եք խնդրել վճարումը կատարել բանկային: Այդ դեպքում խորհուրդ է տրվում գնորդի հետ միասին այցելել բանկ և հետևել փաստաթղթերի ճիշտ ձևակերպմանը:

Գործակալության կամ դիլերից գնում կատարելիս` համոզվե՛ք, որ գործ ունեք վստահելի կազմակերպության հետ: Կասկածների դեպքում կարող եք պահանջել, որպեսզի ներկայացնեն իրենց գործունեության լիցենզիան, փաստացի հասցեն, ինչպես նաև այլ հաճախորդների հետ շփվելու հնարավորություն:

Համաձայնեք հետվճարման պայմաններին միայն այն դեպքում, երբ լիովին վստահում եք գնորդին: Անպայման փորձեք ստանալ կանխավճարը հաստատող փաստաթուղթ:

Եթե Դուք վաճառողի հետ պայամանավորվել եք անձամբ հանդիպել, այդ հանդիպումն լավ է անց կացնել լուսավոր հանրային վայրում: Խուսափե՛ք դատարկ վայրերից, ավտոկայանատեղերից և անմարդաշատ նրբանցքներից: Ցանկալի է գնալ հանդիպման ընկերոջ կամ բարեկամի հետ, որը կարող է հաստատել գործարքը:

Եթե Ձեզ այցելել է ծառայություն մատուցող անձ, խնդրեք նրան ներկայացնել անձը հաստատող փաստաթուղթ` մինչ ներս հրավիրելը: Հանդիպմանը պատրաստվելիս` չմոռանա՛ք գրանցել այն մարդկանց կոնտակտային տվյալները, ում պատրաստվում ենք հանդիպել: Եթե որևէ պատճառով չստացվի նրանց հանդիպել, կանխավ տեղեկացրեք նրանց դրա մասին:

Եթե ապրանքը պետք է առաքվի, նախապես քննարկե՛ք առաքման անվտանգ և հարմարավետ տարբերակը, ճշտեք, որքան վստահելի է այն փաթեթավորված: Նաև չմոռանա՛ք քննարկել, թե ով է վճարում առաքման արժեքը` Դուք թե վաճառողը: Պատվերով փաթեթը կամ կուրյերային ծառայությունն հանդիսանում են ամենավստահելի առաքման ճանապարհը: Նրանք հնարավորություն են տալիս ստուգել փաթեթի կազմը, դրա վիճակը և միայն դրանից հետո կատարել վճարումը:

Մի՛ մոռացեք, որ եթե անգամ հայտարարությունն ունի նարմալ տեսք, իսկ վաճառողը` ադեկվատ է, պետք չէ անտեսել մեքենայի տարրական ստուգման կանոնների մասին գնումից առաջ:

Գնման ժամանակ մտահոգություններ ունենալիս` խորհուրդ ենք տալիս ևս մեկ անգամ կապնվել վաճառողի հետ հայտարարության մեջ նշված հեռախոսահամարով: Պահպանեք վաճառողի կոնտակտային տվյալները, նամակագրության մանրամասները, վճարումը և առաքումը հաստատող փաստաթղթերը: Այդ ամենը կարող է անհրաժեշտ լինել` թյուրիմացություններից խուսափելու համար:

Միշտ աչալուրջ եղե՛ք, ղեկավարվե՛ք ողջախոհությամբ` ցանկացած գործարք կատարելիս, և որևէ կասկածներ ունենալու դեպքում` մի՛ մտեք գործարքի մեջ:

Խնդիրներ կամ հարցեր ունենալու դեպքում` դիմե՛ք մեր Աջակցության ծառայություն`լրացուցիչ տեղեկություն ստանալու կամ անհաջող գործարքը կանխելու համար