Գաղտնիության քաղաքականություն

List.am-ում մեզ համար կարևոր է Ձեր անձնական տվյալների գաղտնիության պահպանումը: Այդ պատճառով, մենք պարտավորվում ենք պաշտպանել մեր կայքի և մեր կիրառական ծրագրի բոլոր այցելուների և օգտատերերի անձնական տվյալների գաղտնիությունը («Ծառայություններ»): Գաղտնիության այս քաղաքականության միջոցով («Գաղտնիության քաղաքականություն») մենք ներկայացնում ենք, թե ինչպես ենք մենք հավաքում Ձեր տվյալները, ինչու են դրանք մեզ անհրաժեշտ և ինչպես ենք մենք օգտագործում դրանք: Խնդրում ենք ուշադիր կարդալ այս գաղտնիության քաղաքականությունը, քանի որ այն պարունակում է կարևոր տեղեկություններ այն մասին, թե ինչպես ենք մենք մշակում Ձեր կողմից մեզ տրամադրված ցանկացած անձնական տվյալ:

Մենք հավաքում ենք միայն այն տեղեկատվությունը, որն անհրաժեշտ է.

Մենք օգտագործում ենք Ձեր տվյալները մեր Ծառայությունները կատարելագործելու և Ձեր նախապատվություններին հարմարեցնելու համար: Սա անհրաժեշտ է, որ մենք հնարավորություն ունենանք օրինական հիմունքներով պարզելու, թե ինչպես են օգտագործվում մեր Ծառայությունները, ինչպես նաև մեր բիզնեսը զարգացնելու և ընդլայնելու ուղիներ գտնելու ու կիրառելու նպատակով: Դա նաև անհրաժեշտ է, որ մենք կարողանանք իրականացնել մեր օրինական շահերը, որոնք ուղված են մեր Ծառայությունների բարելավելմանը, արդյունավետության, Ծառայությունների նկատմամբ օգտատերերի հետաքրքրության բարձրացմանը, ինչպես նաև մեր Ծառայությունների օգտագործման ձևերի վերաբերյալ պատկերացումներ ձեռք բերելուն: List.am-ում համապատասխան տեղեկատվություն և առաջարկվող ապրանքներ ու ծառայություններ որոնելու և գտնելու հարցում Ձեզ օգնելու, այդ թվում վաճառողներին իրենց արտադրանքը շուկայահանելու և վաճառելու համար լավագույն ուղիներ գտնելու համար այդ տեղեկատվության օգտագործելու նպատակով մեր Ծառայությունների տրամադրման ընթացքում Ձեր անհատական պահանջներին հարմարվելը խիստ էական է մեզ համար:

Նոր ապրանքների, ծառայությունների, առաջխաղացումների մասին Ձեզ տեղեկացնելու և մեր կարծիքով Ձեզ համար հետաքրքիր տեղեկություններ տրամադրելու համար մենք կարող ենք ուղղակիորեն էլեկտրոնային փոստով և այլ եղանակով Ձեզ ուղարկել հաղորդագրություններ և նյութեր:

Մենք օգտագործում ենք Ձեր տեղեկությունները անվտանգության և ապահովության նպատակներով, ինչը կարող է ներառել նման նպատակներով Ձեր տվյալների տրամադրումը: Մենք դա անում ենք, քանի որ դա անհրաժեշտ է մեր Ծառայությունների անվտանգությունը ապահովելու, անհատներին կամ գույքին վնաս պատճառելը կամ հանցագործությունը կանխելու, օրինական իրավունքները իրականացնելու կամ պաշտպանելու, կամ մեր համակարգերին կամ օգտատերերին վնաս պատճառելը կանխելու կամ երրորդ կողմի օրինական շահերը պաշտպանելու նպատակով: Սա ներառում է մեր համայնքի պաշտպանությունը սպամից, խարդախությունից, ոտնձգություններից, մտավոր սեփականության ոտնահարումից, հանցագործություններից և բոլոր տեսակի անվտանգային ռիսկերից: Մենք օգտագործում ենք Ձեր տվյալները Ծառայությունների տրամադրման և բարելավման, հաշիվների դուրսգրման և վճարումների ապահովման, ինքնության հաստատման ու նույնականացման, ինչպես նաև ընդհանուր ուսումնասիրությունների և ամփոփ հաշվետվությունների կազմման նպատակով:

Երբ դուք օգտվում եք Ծառայություններից կամ լոգին ու գաղտնաբառ եք ստեղծում Ծառայություններին հասանելիություն ստանալու համար, Ձեզ կարող են խնդրել տեղեկություններ տրամադրել Ձեր մասին, այդ թվում տրամադրել (i) Ձեր անունը և կոնտակտային տվյալները, ներառյալ էլ.փոստի հասցեն և հեռախոսահամարները. (ii) տեղեկատվություն, որը թույլ կտա մեզ ստուգել և հաստատել Ձեր ինքնությունը. (iii) տվյալներ գտնվելու վայրի մասին. (iv) տվյալներ հաշիվներ դուրս գրելու և վճարումներ ապահովելու համար. և (v) այնպիսի այլ տվյալներ, որոնք մենք կարող ենք ժամանակ առ ժամանակ պահանջվել Ծառայությունները տրամադրելու և գործող օրենքներին համապատասխանելու համար: Այս տեղեկատվությունը պահանջվում է Ձեզ Ծառայություններ տրամադրելու համար: Եթե Դ​ուք նման տեղեկատվություն չտրամադրեք, դա կարող է հանգեցնել մեր կողմից Ծառայությունների մատուցման ուշացմանը կամ խոչընդոտելուն:

Մենք կարող ենք վերը նշված բոլոր տվյալները կամ դրանց մի մասը տրամադրել հետևյալ հանգամանքներում.

խուզարկության օրդերի, դատարանի որոշման կամ այլ դատական հրամանի հիման վրա.

List.am-ի օգտատերերին, List.am-ի կամ լայն հանրության իրավունքները, գույքը կամ անվտանգությունը պաշտպանելու նպատակով.

Ձեր ցուցումով (օրինակ՝ եթե Դուք մեզ լիազորում եք տվյալներ տրամադրել այլ օգտատերերին):

Անհրաժեշտության դեպքում Ծառայությունից օգտվելը հեշտացնելու և Ձեր անհատական պահանջներին հարմարեցնելու, խարդախության և չարաշահումների դեմ պայքարելու նպատակով և/կամ օրենքով պահանջվող դեպքերում մենք պահպանում ենք Ձեր տվյալները: Մենք կարող ենք ստանալ տվյալների հետևյալ տեսակները՝ անուն, հասցե, էլ.փոստի հասցե, հեռախոսահամար և գնումների պատմություն:

Մենք բարեխիղճ ջանքեր ենք գործադրում տվյալների անվտանգ պահպանման համար, սակայն երաշխիքներ չենք կարող տալ:

Դուք կարող եք մուտք գործել և թարմացնել Ձեր մասին որոշակի տվյալները Ձեր հաշվի լոգինի միջոցով:

Մեր ծառայություններից օգտվելիս մենք կարող ենք փոքր ֆայլ ուղարկել Ձեր համակարգչին կամ սարքին («Cookie-ֆայլ»): Դա մեզ հնարավորություն կտա նույնականացնել Ձեր համակարգիչը, հետևել մեր կայքում Ձեր վարքագծին և բացահայտել Ձեր հետաքրքրությունների որոշակի ոլորտները, որպեսզի մենք կարողանանք անհատականացնել և հարմարեցնել մեր Ծառայությունները Ձեր նախապատվություններին: Մենք կարող ենք օգտագործել Cookie-ֆայլեր անձնական տվյալներ հավաքելու և պահելու համար, ինչպես նաև կարող ենք կապել Cookie-ֆայլերում պահված տվյալները Ձեր կողմից մեզ տրամադրած անձնական տվյալների հետ: Դուք կարող եք կարգավորել Ձեր բրաուզերը այնպես, որ այն մերժի Cookie-ֆայլերի օգտագործումը, սակայն դրա հերևանքով Ծառայության որոշ տարրերի օգտագործումը կբացառվի:

Մեր վերահսկողության տակ գտնվող անձնական տվյալները չարտոնված մուտքից, ոչ պատշաճ օգտագործումից և բացահայտումից, չարտոնված ոչնչացումից կամ պատահական կորստից պաշտպանելու նպատակով մենք կիրառում ենք անվտանգության քաղաքականություն, կանոններ և տեխնիկական միջոցներ:

Մենք նաև ընթացակարգեր ունենք տվյալների ցանկացած կասկածելի խախտման դեմ պայքարելու համար: Մենք կտեղեկացնենք Ձեզ և համապատասխան կարգավորող մարմնին կամ ատյանին տվյալների անվտանգության կասկածելի խախտման մասին, եթե այդպես վարվելու օրինական պահանջ է ներկայացվում մեզ:

Այնուամենայնիվ, բացառապես Դուք եք պատասխանատու Ձեր գաղտնաբառը և հաշվի այլ մանրամասները գաղտնի պահելու համար: Ի վերջո, Դուք եք պատասխանատու Ծառայություններից օգտվելու ժամանակ Ձեր նույնականացման, գաղտնաբառերի և/կամ ցանկացած անձնական տեղեկատվության գաղտնիության պահպանման համար: Միշտ զգույշ և պատասխանատու եղեք Ձեր անձնական տվյալների նկատմամբ: Մենք պատասխանատվություն չենք կրում և չենք կարող վերահսկել Ձեր տրամադրած ցանկացած տեղեկատվության օգտագործումը ուրիշների կողմից և Դուք պետք է զգույշ լինեք Ծառայությունների միջոցով ուրիշներին տրամադրած անձնական տվյալների ընտրության հարցում: Բացի դրանից, մենք չենք կարող որևէ պատասխանատվություն կրել որևէ այնպիսի անձնական տվյալի կամ այլ տեղեկատվության բովանդակության համար, որը Դուք Ծառայությունների միջոցով ստանում եք այլ օգտատերերից, և Դուք մեզ ազատում եք Ծառայություններից օգտվելիս ստացած ցանկացած անձնական տվյալի կամ այլ տեղեկատվության բովանդակության հետ կապված ցանկացած պատասխանատվությունից: Մենք չենք կարող երաշխավորել կամ որևէ պատասխանատվություն ստանձնել որևէ երրորդ կողմի կողմից տրամադրված անձնական տեղեկատվության կամ այլ տեղեկատվության ճշգրտության ստուգման համար: Դուք ազատում եք մեզ այլ անձանց նման անձնական տվյալների կամ այլ տեղեկատվության օգտագործման հետ կապված ցանկացած պատասխանատվությունից:

Եթե Ձեր գաղտնաբառի, հաշվի մանրամասների հետ կապված որևէ​​մտահոգություն կամ Ձեր հաշվի որևէ չարտոնված օգտագործմանը վերաբերող որևէ կասկած ունեք, ապա անմիջապես կապվեք մեզ հետ: Մենք ցանկացած պահի կարող ենք ապաակտիվացնել կամ կասեցնել Ձեր հաշիվը:

Մենք մեզ իրավունք ենք վերապահում ջնջել և ոչնչացնել Ձեր մասին հավաքագրված ամբողջ տեղեկատվությունը Ձեր հաշվի դադարեցումից հետո, եթե Դուք այլ բան չեք պահանջում:

Դուք իրավունք ունեք պահանջել ջնջել Ձեր տվյալները: Կախված այն Ծառայություններից, որոնք մենք տրամադրել ենք Ձեզ, իրավական բնույթի նպատակներով մեզանից կարող է պահանջվել որոշակի տվյալներ պահպանել տվյալների ջնջման պահանջ ներկայացնելուց հետո հինգ տարվա ընթացքում: Մենք չենք կարող շարունակել Ձեզ տրամադրել մեր Ծառայությունը, եթե Դուք խնդրել եք ջնջել Ձեր տվյալները:

Դուք կարող եք պահանջել ջնջել Ձեր տվյալները կապվելով մեր հաճախորդների սպասարկման կենտրոնի հետ կամ մտնելով List.am-ի «Կարգավորումների» «Հաշիվ» բաժինը:

Մենք մեզ իրավունք ենք վերապահում ժամանակ առ ժամանակ փոփոխել այս քաղաքականությունը: Մեր կողմից թարմացված քաղաքականությունը կներկայացվի մեր կայքում, և եթե Դուք շարունակում եք մուտք գործել ու օգտվել մեր Ծառայություններից՝ հետևելով այդ փոփոխություններին, ապա դրանով Դուք համաձայնում եք ենթարկվել մեր կողմից կատարված ցանկացած փոփոխությանը: